Vi er eit sjølvstendig, statleg tilsynsorgan med myndigheitsansvar for sikkerheit, beredskap og arbeidsmiljø i petroleumsverksemda. Vi blei etablert 1. januar 2004, held til i Stavanger og har vel 170 medarbeidarar.

Vi har myndigheitsansvaret for teknisk og operasjonell sikkerheit, beredskap og arbeidsmiljø gjennom alle fasar av verksemda. Det vil seie at tilsynet vårt startar ved planlegginga av eit utbyggingsprosjekt, og fortsett gjennom prosjekteringsfasen, bygging, driftsfasen og eventuell seinare fjerning.

Vi er tildelegert myndigheit til å fastsette utdjupande forskrifter for sikkerheit og arbeidsmiljø i verksemda, og til å fatte enkeltvedtak i form av samtykker, pålegg, tvangsmulkt, stansing av verksemda, forbod, unntak, mv.